पोलीसांना पाहून तळीरामांनी ठोकली धुम, तीन मोटारसायकल जप्त

गुन्हा दाखल, तळीरामांचा शोध सुरु

 

अशोक मंडलिक 

राहुरी विद्यापीठ/जलभूमी वृत्तसेवा 

---------------------------------------

 

राहुरी शहरात सार्वजनिक ठिकाणी तळीरामाची मैफील जमविणा-या लोंकावर राहुरी पोलिसांनी दि. 26 मे रोजी धाड टाकून कारवाई केली. पोलिसांना पाहून तळीरामांनी धुम ठोकून पसार झाले. मात्र त्यांच्या तीन मोटरसायकली जप्त करून गुन्हा दाखल करण्यात आला. 

 

 

राहुरी शहर हद्दीतील नगर मनमाड रोडवर असलेल्या गाडगे महाराज काॅम्प्लेक्स समोरील मोकळ्या जागेत दि. 26 मे रोजी रात्री काही तळीराम मद्य प्राशन करत बसले होते. यावेळी पोलिस निरीक्षक नंदकुमार दुधाळ पोलीस पथकासह शहरात गस्त घालत होते. या दरम्यान त्यांना गाडगे महाराज काॅम्प्लेक्स समोर काही तरूण दारू पित बसलेले दिसून आले. 

 

पोलिसांना पाहून तळीरामांनी धुम ठोकून पसार झाले. मात्र त्या ठिकाणाहून एम. एच. 17 सी. 9508, एम. एच. 17 एन. 8715, एम. एच. 17 एस 4926 या तीन दुचाकीसह दोन दारूच्या बाटल्या असा एकूण 40 हजार 300 रूपयांचा मुद्देमाल पोलिसांनी ताब्यात घेतला आहे. 

 

याबाबत हवालदार आजिनाथ पाखरे यांच्या फिर्यादीवरून पोलिसांत गुन्हा दाखल करण्यात आला असून पुढील तपास पोलिस निरीक्षक नंदकुमार दुधाळ यांच्या मार्गदर्शनाखाली पोलिस नाईक शिवाजी खरात हे करीत आहेत. तसेच तळीरामांचा पोलीस शोध घेत आहेत.

 

ते तळीराम कोण ?

 

सध्या कोरोना महामारीमुळे प्रशासनाकडून गर्दी करु नका. असे वारंवार आवाहन करण्यात येते. राहुरीत तळीरामांनी हे आवाहन धुडकावून लावत अनेक शौकीन एकत्र येत आनंद लुटत असताना पोलीस प्रशासन अचानक दाखल झाल्याने मद्यपीमध्ये धांदल उडाली. पोलीस गुन्हा दाखल केला आहे. हे तळीराम कोण? याची चर्चा होत आहे.