गुरुवर्य भास्करगिरी महाराजांच्या हस्ते कळ दाबवून जलभूमी सभासद अर्जाचे लोकार्पण

जलभूमी ग्रामीण पत्रकार, समाजसेवक,वकील, डॉक्टर, महिला मंच सभासद नोंदणीस प्रारंभ

 

सुधीर चव्हाण 

नेवासा / जलभूमी वृत्तसेवा 

-----------------------------

दैनिक जलभूमी वृत्तपत्र क्षेत्रात उल्लेखनीय कामकाज करत असून जलभूमी फाऊंडेशनच्या माध्यमातून संघटीत होण्याची संधी उपलब्ध करुन दिली. जलभूमी संपादक, ग्रामीण पत्रकार संघ, महिला मंच, सामाजिक संघटना, वकील, डॉक्टर, वृत्तपत्र विक्रेता या संघटनेच्या माध्यमातून जनतेची प्रश्न सोडविण्यास मदत होईल. असे प्रतिपादन देवगड संस्थांनचे मठाधिपती गुरुवर्य भास्करगिरी महाराज यांनी केले. 

जलभूमी सभासद ऑनलाइन अर्ज देवगडचे गुरुवर्य भास्करगिरीजी महाराज यांच्या हस्ते कळ दाबवून खुला करण्यात आला. सभासद अर्ज भरण्यास सुरुवात झाली.कळ दाबून प्रकाशित झाल्यानंतर www.jalbhumi.com या वेबसाईटवर अर्ज उपलब्ध झाला आहे. यावेळी संस्थेचे सचिव बाळासाहेब जाधव, निवासी संपादक शंकरराव मरकड, व्यवस्थापक दिपक खोसे, सुनील रणमले, जाहिरात व्यवस्थापक सलीम शेख यांच्यासह जलभूमी परिवाराचे सभासद उपस्थित होते. 

सर्व क्षेत्रातील व्यक्तींनी जास्तीत जास्त संख्येने सभासद व्हावे. असे आवाहन करण्यात आले आहे. ऑनलाईन अर्ज भरतांना काही अडचण आल्यास अधिक माहितीसाठी मो.9834967767 संपर्क साधावा.असे आवाहन करण्यात आले आहे.

सभासदातूनच कार्यकारणी जाहीर करणार - मरकड

 विविध क्षेत्रात काम करणाऱ्या व्यक्तींंना जलभूमी परिवाराचे सभासद होण्यासाठी संस्थेच्या वेबसाईटवर व लिंकव्दारे  सभासद अर्ज भरण्यासाठी उपलब्ध करून देण्यात आला आहे. सभासदातून राज्य, जिल्हा, तालुका, गाव पातळीवर पदाधिकारी निवड करून लवकरच कार्यकारणी जाहीर करण्यात येणार आहे. संघटनेत काम करु इच्छिणाऱ्या व्यक्तीनी ऑनलाईन सभासद अर्ज सादर करावा. असे आवाहन  दैनिक जलभूमीचे निवासी संपादक शंकरराव मरकड यांनी केले आहे.

जलभुमीचे सभासद होण्यासाठी ऑनलाईन अर्ज भरावा लागणार आहे. सभासद फी दोन प्रकारे ठेवण्यात आली आहे. २०० रुपये सभासद फी मध्ये संस्थेचे ओळपत्र, जलभूमी दिनदर्शिका, जलभूमी पेन भेट देण्यात येणार आहे. ५०० रुपये फीमध्ये ओळखत्र, जलभूमी डायरी, जलभूमी पेन, जलभूमी दिनदर्शिका भेट देण्यात येणार आहे.ना नफा, ना तोटा या तत्वावर सभासद फी ठेवण्यात आली आहे. समाजसेवेची आवड असणाऱ्या व्यक्तींनी सभासद व्हावे.त्यांना जलभूमी समाजसेवक म्हणून संस्थेतर्फे ओळखपत्र देण्यात येणार आहे.